Referendu sobre la independencia de Montenegru de 2006

El referendu sobre la independencia de Montenegru foi realizáu'l 21 de mayu de 2006 na entós rexón serbomontenegrina de Montenegru. El so oxetivu yera definir la futura situación política de Montenegru.

El plebiscitu dexaba a los eleutores montenegrinos escoyer ente la permanencia en Serbia y Montenegru o la independencia. Someter a aprobación o refugu la siguiente propuesta:

Želite li da Republika Crna Gora bude nezavisna država sa punim međunarodno-pravnim subjektivitetom?
¿Desea usté que Montenegru sía un estáu independiente con completa llexitimidá llegal ya internacional?^[1]

Por que la independencia de Montenegru fuera aprobada y reconocida, tantu pola Federación como pola Xunión Europea teníen de cumplise los siguientes requisitos establecíos:

1. Tien De votar siquier el 50% de les persones con derechu a votu.
2. El votu «Sí» tien de tener una votación cimera al 55% de los votos válidamente emitíos.

Finalmente, la resultancia dio como ganadora la opción independentista con un 55,4% de los votos válidamente emitíos. Esto concretaríase cola declaración d'independencia del Estáu adriáticu'l 3 de xunu. Dos díes más tarde, el 5 de xunu de 2006, tres la independencia de Montenegru, Serbia y Montenegru eslleió la estructura rexonal de Montenegru (yá ensin poder efeutivu), y camudó el so nome pol de República de Serbia, que ye como la conoz anguaño.

1. ↑ Votu usáu nel plebiscitu (en PDF, en serbiu)